Komisioni i Ligjeve votoi sot katër nga pesë kandidaturat për kreun e Komisionit Qendror të Zgjedhjeve.
Gjatë shqyrtimit të vlefshmërisë së kandidaturave, Komisioni vendosi të skualifikojë nga gara kandidatin Anton Lleshaj, ndërsa votoi Koli Belen, Denar Bibën, Lefterije Luzin dhe Rozeta Ivanovën.
Partia Demokratike nuk mori pjesë në mbledhjen e Komisionit.
Nga katër kandidaturat e votuara nga mazhoranca, opozita pritet të skualifikojë 2 prej tyre. Deri tani opozita ka shprehur rezerva mbi kandidaturat e zotit Bele dhe Biba por mbetet për tu parë deri në fund cili do të jetë qëndrimi.
Dy kandidatët që do përzgjidhen pritet të shkojnë nesër për votim në Kuvend.
