Ndahet nga jeta në moshën 66-vjeçare ish-kryetari i bashkisë Pukë, Beqir Arifaj, i cili ishte infektuar me Covid.
Raportohet se Arifaj është ndarë nga jeta mëngjesin e sotëm. Lajmin e kanë bërë me dije miq dhe të afër të të ndjerit, përmes mesazheve prekëse në rrjetet sociale.
Ai ishte dërguar në Turqi, por nuk ka mundur të fitojë betejën me virusin.
Arifaj ishte personalitet aktiv i jetës politike dhe sociale në zonën e Iballës dhe Pukës. Prej vitit 2011-2015 ai shërbeu si kryetar demokrat i Bashkisë së Pukës.
