Në shkollat 9-vjecare dhe të mesme pritet të nis mësimi online.
Lajmi është bërë i ditur nga ministrja e Shëndetësisë, Ogerta Manastirliu, me anë të një mesazhi për mediat, ku thekson se pas rekomandimeve të Komitetit Teknik të Ekspertëve, i është rekomanduar më pas Ministrisë së Arsimit që mësimi në shkolla të bëhet i alternuar. Pra mësimi të zhvillohet në formën klasike, por edhe online.
Sipas Manastirliut, kjo praktikë, do të nisë që në datë 1 Dhjetor.
“Pas rekomandimit të Komiteti të Ekspertëve kemi vendosur që ti rekomandojmë ministrisë së Arsimit që prej datë 1 dhjetor të aplikojmë skenarët me mësim të alternuar, në formën klasike, me prani fizike dhe të kombinuar me mësim online. Bazuar në specifikat e situatës lokale të epidemisë”, tha Manastiruliu ndër të tjera.
Tashmë pritet që Ministria e Arsimit të miratojë dhe të vërë në zbatim rekomandimin.
