Bashkia e Vorës ka ndryshuar sërisht Krytar, i pesti në rradhë që prej kohës kur Agim Kajmaku, u detyrua të lirojë postin, për shkak të ligjit të dekriminalizimit.
Por çudia me këtë bashki vijon, pasi në detyrë është rikthyer Genci Picari, i emëruar në mënyrë të kundraligjshme nga Kajmaku, dhe i pezulluar nga detyra më pas nga Gjykata Administrative.
Picari ka zëvendësuar Shefki Karamuçën, i cili mori detyrën e Kryebashkiakut të Vorës, Hekuran Brahimajt.
Kajmaku, dy orë para se KQZ t´i ndërpriste mandatin, pa mbledhur këshillin bashkiak të Vorës, të kontrolluar 100 % nga Rilindja, shkarkoi nga detyra dy nënkryetarët bashkiakë, njëri prej të cilëve priste do të zëvendësonte atë.
Menjëherë pas vendimit për shkarkim, Kajmaku emëron në detyrë Genci Picarin, një prej njerëzve të besuar të Kryebashkiakut të asaj kohe, vendim që më pas rezultoi i fallsifikuar dhe sot Kajmaku po përballet me drejtësinë.
Kohëzgjatja e Picarit në detyrë ishte mjaft e shkurtër, pasi Gjykata Administrative e pezulloi.
Padia në Gjykatë u depozitua nga Laureta Omeri, njëra prej nënkryetareve të Bashkisë së Vorës, e cila u shkarkua nga Kajmaku 2 orë para se KQZ ta detyronte të linte detyrën.
Picari ishte emëruar nga ish-kryetari i Bashkisë, Agim Kajmaku, pasi kishte shkarkuar nga detyra Omerin dhe nënkryetarin tjetër Hekuran Brahimaj.
Gjykata vendosi që Picari nuk do ta ushtronte detyrën e caktuar nga Kajmaku, ndërsa Omeri dhe Brahimaj rikthehen në postet që kishin.
Tashmë Picari duket se ka gjetur suportin dhe mbështetjen në rradhët e Rilindjes për tu rikthyer në pozicionin që e caktoi Kajmaku, edhe pse në atë kohë emri që priste të merrte detyrën ishte Laureta Omeri, e cila mbështetej edhe nga strukturat qendrore të Rilindjes.
