Ndërsa qeveria po përgatit një ligj për mediat dhe portalet online, ish-kryeministri Sali Berisha akuzon pasaardhësin e tij se do t’u mbyllë gojën mediave që nuk i kontrollon dot.
Berisha shkroi në Facebook se Rama po terrorizon dhe po dhunon me dosje tatimore pronarët e mediave dhe u dikton politikat e lajmeve.
“Edvin Kristaq Rama po pregatit ligjin e censures!
Te dashur miq, neo-bllokmeni Edvin Kristaq Rama, kreu i krimit te organizuar, njeriu qe ka shnderruar qeverine e vendit ne nje organizate te vertet kriminale dhe Shqiperine, vendin anetar te NATOs e ka shnderruar ne Kanabistan, po pregatit gijotinen per fjalen e lire!
Ai, si armik i fjales se lire, bir dhe nip i xhelateve Kristaq Rama dhe Spiro Koleka, terrorizon dhe dhunon me dosje tatimore pronaret e mediave te shkruara e mediave te tjera dhe u dikton atyre ne nje shkalle te larte, politikat e lajmeve por edhe botuese ne teresi!
Po si armik i fjales se lire, ai ka ndermarre nje fushate te eger te pashembullt sulmesh ndaj portaleve, drejtueseve te tyre dhe rrjeteve sociale si dhe analisteve qe nuk i kontrollon dot!
Pikerisht per bllokimin dhe eleminimin e tyre ai po pregatitet te sjelle ne parlament ligjin e gijotines te portaleve dhe mediave online!
U bej thirrje qytetareve shqiptar, mediave dhe te gjithe atyre qe kane jetike lirine e fjales, te ngrihemi ne mbrojtje te shpirtit te vertet te lirise, qe eshte fjala e lire, nen moton: “te flakim, te flakim, te flakim xhelatin e lirise se fjales”!”, shkruan Berisha.
