Rusia ka kaluar pesë vitet e fundit duke u përpjekur të rekrutojë Donald Trump në përpjekje për të shkatërruar demokracinë Amerikane, sipas disa pretendimeve të jashtëzakonshme të bëra nga një veteran i komunitetit të spiunazhit ndërkombëtar.
Pretendimi është i fundit në një seri të gjatë të lidhjeve të supozuara midis kandidatit republikan dhe Kremlinit, shkruan prestigjozja “The Independent”.
Por akuzat arritën kulmin këtë javë, pasi udhëheqësi demokrat i Senatit, Harry Reid, iu përgjigj hapjes së hetimit për Hillary Clinton duke thënë se FBI-ja duhet të bëjë publike me “informacionin bombastik” që lidh Trumpin me Rusinë.
Sipas websitit të lajmeve “ Mother Jones”një ish-zyrtar perëndimor i sigurisë me dekada të tëra përvojë në kundërzbulimin rus, i ka dorëzuar FBI-së një seri memorandumesh që sugjeronin se kishte “një shkëmbim informacioni ndërmjet fushatës Trump dhe Kremlinit e kishte pasur një përfitim të ndërsjellë”.
Spiuni pohoi, pas konsultimit me burimet ruse, se “regjimi rus ka qenë duke planifikuar mbështetjen dhe ndihmën për Trumpin prej të paktën 5 vitesh, raporton syri.net. Qëllimi, i miratuar nga Putin, ishte nxitja e ndarjeve dhe përçarjeve në aleancën perëndimore.
