Atletico Madridi ka arritur të fitojë mes shumë vështirësive ndaj Barcelonës me rezultatin e ngushtë 1-0 në ndeshjen e vlefshme për javën e dhjetë në La Liga.
Ekipi i Diego Simeones ka arritur të tregohet i fortë për Barcelonën duke triumfuar në ndeshjen të zhvilluar në Ëanda Metropolitano.
Pjesa e parë e ndeshjes u karakterizua me lojë të barabartë nga të dyja skuadrat, por ishin vetëm vendasit që gjeten golin.
Goli i vetëm në këtë pjesë erdhi në minutat shtesë dhe ishte Yannick Carrasco, i cili shënoi për 1-0 pas një veprimi të mirë dhe një dalje të keqe të portierit Marc-Andre Ter Stegen.
Barcelona në këtë pjesë rrezikoi me anë të Antoine Griezmann (3’) dhe Lionel Messi (41’), por pa arritur ta gjejnë rrjetën.
Në pjesën e dytë, Barcelona ishte më e mirë, duke menaxhuar lojën dhe duke rrezikuar disa herë, por pa arritur ta gjejnë golin.
Pas kësaj fitore, Atletico e sheh veten në vendin e dytë me 20 pikë po aq sa Real Sociedadi i pari, ndërsa Barca zë vendin e 10-të me 11 pikë.
VERY BEAUTIFUL GOAL CARRASCOpic.twitter.com/lAen3Qfx5j
— K ✨ (@glorinrrs) November 21, 2020
