Pak minuta më parë toka u drodh sërish mes Marches dhe Umbrias në Italinë Qëndrore.
Sipas të dhënave të para tërmeti ishte me magnitudë 4.8 i shkallës rihter dhe u regjistrua në provincën e Macerata.
Njerëzit të frikësuar sërish kanë dalë në rrugë, e mesa duket kjo gjendje është shndërruar në një makth për ta. Ndërsa Mbrojtja civile është duke verifikuar nëse ka patur dëme apo jo.
Ndërkohë sa i përket banorëve të tjerë të cilët kanë mbetur të pastrehë, kryeministri Renzi u shpreh se do të ndërtohen kontenier përpara festës së Krishtlindjeve. Ndërsa sa më shumë koha kalon aq më shumë kuptohet edhe dëmet katastrofike që kanë sjellë tërmetet e ditëve të fundit, duke i dhënë fund provincave të tëra.
