Rektori i Universitetit të mjekësisë Arben Gjata në një intervistë për Ora News tregon pse nuk u hapen universitetet.
“Ka një arsye pse nuk u hapën universitetet. Pasi nuk bëhet fjalë që studentët duke qenë në universitet do rrezikoheshin më shumë, problem ishte jeta e tyre komunitare nëpër konvikte.Nëse do të mblidheshin afro 16 mijë student që nuk zbatojnë rregullat e distancimit social, se është më e vështirë të zbatosh ato rregulla në konvikt, do të shërbente si ‘bombë epidemiologjike, ‘Qyteti Studenti’ për të rritur numrat në Tiranë dhe zonat e tjera të Shqipërisë ku kanë pasur konvikte. Prandaj ka qenë vendimi i komitetit për të mos hapur universitetet”.
Profesor Gjata thotë se i është propozuar ministrisë së Shëndetësisë që studentët e vitit të fundit të Mjekësisë të rikthehen në spitale.
“Ne si Universitet Mjekësie i kemi kërkuar faktikisht dhe sot duhet të kishim takim me ministren e Shëndetësisë dhe studentët e vitit të fundit të Mjekësisë, në mënyrë që ata të riktheheshin në spital, në mënyrë që jo vetëm të bënin mësimet praktike por të mund mbështesin sistemin shëndetësor ose spitalet universitare në ato reparte jo –covid ku mund të kemi mungesë personeli“.
