Moderatorja e sportit, Lei Kraja, është infektuar me koronavirus dhe ndodhet në karantinë.
Në një lidhje me Skype për emisionin “Ftesë në 5”, ajo tha se nuk po e përjeton keq sëmundjen, duke theksuar se frika më e madhe e saj ishte se mos e përhapte te personat e tjerë, që mund të mos e kalonin shumë lehtë.
Ndonëse e sëmurë, Lei vijon punën e saj në moderimin e emisionit sportiv, ndërsa e ka transferuar studion në shtëpi.
“Frika më e madhe që kisha ishte të mos e përhapja, për vete nuk kisha shumë frikë. Ideja për të punuar nga shtëpia na erdhi të gjithëve dhe në një farë mënyre kaloj dhe un kohën. Është shumë e çuditshme se më duket sikur duhet të bërtas se nuk më dëgjojnë. Por fatmirësisht kam më shumë ndihmë se ç’duhet dhe i falënderoj të gjithë realisht. Mami im akoma nuk e di dhe më mirë kështu se do bëhej merak, më mirë ta marri vesh kur ta kaloj”, tha ajo.
