Një 34-vjeçar është vënë në pranga nga policia e Tiranës, pasi akuzohet se shiste drogë, në afërsi të shkollave.
Xh.H. u vu në pranga në rrugën “Ali Baushi”, pranë zonës së Xhamllikut, ku ndodhet dhe shkolla 9-vjeçare “Xhezmi Delli”.
“Gjatë kontrollit fizik dhe në banesë iu gjetën dhe u sekuestruan 23 doza me lëndë narkotike kanabis, 19 tableta metadon, një sasi me lëndë narkotike të dyshuar heroinë, një sasi lekësh dhe 1 aparat celular, të cilat u sekuestruan në cilësinë e provës materiale”, njoftoi policia.
“Në vijim të veprimeve u procedua penalisht edhe shtetasi E.T., 45 vjeç, pasi i është gjetur një sasi lënde e dyshuar narkotike kanabis, të cilën ia ka blerë shtetasit Xh.H.”, shtuan të njëjtat burime.
