15 dhjetori është data kur Partizani do të përballet në Gjykatën e Arbitrazhit Sportiv (KAS) me klubin kroat Istra, Vllazninë, vetë lojtarin dhe FIFA-n për transferimin e shkodranit në Tiranë në verën e 2018-ës.
Në buletinin e KAS-it është publikuar dhe axhenda e seancave gjyqësore për muajt e ardhshëm.
Institucioni i lartë i apelit sportiv ka caktuar 15 dhjetorin si datën ku palët duhet të përballen me njëra-tjetrën.
16-herë kampionët e Shqipërisë kanë ngritur padi ndaj klubit kroat Istra, Vllaznisë, vetë lojtarit Çinari dhe FIFA-s.
Transferimi i sulmuesit shkodran në verën e 2018-ës shkaktoi bllokimin e merkatos verore përpara nisjes së sezonit 2020-2021 të Partizanit nga FIFA.
Kalimi i futbollistit Çinari te “demat” shkaktoi mjaft probleme te Partizani, të cilit i duhet të përballojë të paktën pjesën e parë të sezonit pa blerje. /panoramasport
