Brenda 100 ditësh një 4-vjeçar nga Teksas, ka mbetur pa prindër.
Babai i Raiden Gonzalez u infektua në qershor me koronavirus.Adan, 33 vjeç u shtrua menjëherë në spital ku edhe vdiq.
Fill pas tij, vdiq papritmas edhe e ëma e Raiden. Spitali konfirmoi se edhe 29-vjeçarja ishte pozitive me koronavirus.
Familjarët e vogëlushit po planifikojnë një ditëlindje të paharrueshme për të, duke e parë si të vetmen zgjidhje për t’ia lehtësuar sadopak dhimbjen. Ata po ashtu kanë krijuar një llogari në GoFundMe, për ta bërë ditën e tij sa më speciale.
Teksas ka patur që nga fillimi i pandemisë më shumë se 20 mijë vdekje nga Covid-19, duke lënë shumë njerëz në dhimbje për humbjen e më të dashurve të tyre.
