Një studim i botuar nga Instituti Kombëtar i Kancerit në Milano, bazuar në një test serologjik në të gjitha mostrat e gjakut të ruajtura si pjesë e shqyrtimit për kancerin e mushkërive, ka dhënë rezultate tronditëse.
“Virusi SarsCov2 ka qarkulluar në Itali qysh në shtator 2019, pra edhe më përpara asaj që ishte menduar deri më tani”.
Konfirmimi i studimit, ka si nënshkrues të tij të parë drejtorin shkencor, Giovanni Apolone, I publikuar edhe në revistën shkencore “Tumori Journal”.
Duke analizuar mostrat nga 959 persona, të gjithë asimptomatikë, ku kishin marrë pjesë në shqyrtimet e kancerit të mushkërive midis shtatorit 2019 dhe marsit 2020, 11.6% (111 nga 959) e këtyre njerëzve kishin antitrupa ndaj koronavirusit, nga të cilët 14% tashmë në shtator, 30% në javën e dytë të shkurtit 2020 dhe numri më i madh (53.2%) në Lombardi.
