Ish-presidenti Barack Obama, në librin e tij “Një Tokë e Premtuar”, të cilin do e botojë më 17 nëntor dhe do jetë i përkthyer në 25 gjuhë të ndryshme, ka zbuluar detaje të prapaskenave të jetës së tij brenda Shtëpisë së Bardhë, problemet e martesës së tij dhe stresi i punës që ndikoi në nisjen e duhanit.
Në librin që do të botojë së shpejti, ka rrëfyer se nisi të pinte 8-9 cigare në ditë gjatë kohës që ishte President, por asnjëherë nuk u kap nga kamerat duke konsumuar duhan. Ai është shprehur se vajza e tij, Malia, e ka kapur mat dhe falë këmbënguljes së saj, ai arriti të hiqte dorë nga duhanpirja.
“Ajo e ndjeu që pija cigare në frymëmarrjen time”- ka rrëfyer Obama.
Në këtë vëllim të parë, ish-presidenti do të rrfejë përvojat e tij të para politike, ngritjen e tij si një udhëheqës deri në fushatën e tij të parë presidenciale, dhe mandatin e tij të parë deri në vdekjen e Osama bin Laden në 2011.
