Presidenti Ilir Meta aludoi këtë të Premte se oligarkë kanë paguar te pushteti për kaluar ligje në parlament.
Në një deklaratë për mediat, kreu i shtetit u ndal te ligji për Metrologjinë, që e ktheu për rishqyrtim në Kunevd, më herët gjatë javës. Meta e cilësoi anti-kushtetues dhe shtoi se është bërë nga qeveria me qëllim dhënien e koncesioneve në dëm të qytetarëve. Sipas Metës, përmes këtij ligji u jepet mundësia “një apo dy oligarkëve të vjedhin shqiptarët”.
“I ftoj dhe këta oligarkët të mos paguajnë kot për ligje të tilla dhe për gjithë ato që unë kam kthyer, sepse do të zhgënjehen”, apeloi Meta.
“Nuk do të ketë vazhdimësi të këtyre interesave kurruptive dhe klienteliste siç mund të ketë ndodhur në të kaluarën. Në 25 Prill do jetë një referendum mbarëkombëtar për të rrëzuar këtë sistem oligarkik, që kërkon ti kthejë qytetarët në qenie të pavlerë, të pafuqishëm, të pambrojtur, që të ndodhin ato ngjarje po ndodhin e po i shikojmë çdo ditë, vetëm e vetë që të fryhen si shushunja disa individë. Kështu që rivendosja e rendit kushtetues është e padiskutueshme. Kushtetuta mbi të gjitha, mbi Kushtetutën vetëm populli”, shtoi ai.
