Një nga futbollistët më të mëdhenj të historisë, argjentinasi Diego Armando Maradona, feston sot 56-vjetorin e lindjes. Nga shtëpia e tij në Dubai, ku tashmë jeton prej vitesh, ai ka festuar bashkë me familjen e tij.
Por në profilin e tij “Facebook”, ish-sulmuesi argjentinas shprehet se ka qenë i trishtuar, pasi priste një dhuratë nga Napoli i tij, që dje u mund 2-1 nga Juventusi në Seria A.
“Jam i trishtuar, pasi prisja një fitore nga Napoli im. Por ju siguroj se kjo Juve nuk është e fortë dhe Napoli im do ta kishte mundur me lehtësi 4-0”, ka thënë Maradona përmes një video-mesazhi për fansat e tij napoletanë. Më tej, në lidhje me golin e realizuar nga Higuain, që nuk festoi, Maradona tha: “Nuk më intereson gjesti i tij. Unë nuk do ta kisha tradhëtuar kurrë Napolin”, ka thënë Maradona, ikona e futbollit botëror dhe idhulli i Napolit.
