Moderatorja Rudina Magjistari gjithmonë i ndan gëzimet me miqtë. Ajo kishte rastin më të bukur të jetës, pasi vogëlushja Mia gëzonte 1 vjetorin.
E në këtë ditë të veçantë, Rudina ka ndarë me ndjekësit në rrjetet sociale, një tortë të ëmbël bashkë me një urim special.
“Gëzuar ditëlindjen, Mias sime të ëmbël, vajzës që më rrëmbeu zemrën, sapo e pashë për herë të parë! E që do ta ketë përgjithmonë!”, shkruan Rudina.
Ajo ka postuar edhe një foto të rrallë, nga ditët e para pas lindjes së vajzës në spital. “Nje kujtim i shtrenjtë! Pak a shumë një vit më parë, dy ditë pasi Mia kishte lindur”, shkruan Rudina.
