Një plagosje me sharrë ka ndodhur në Himarë këtë të Mërkurë. Burime zyrtare nga policia lokale bënë me dije se është plagosur një 42-vjeccar, i cili është transportuar në spital dhe ndodhet jashtë rrezikut për jetë. Ndërkohë, është shoqëruar nga uniformat blu, autori i dyshuar i sulmit.
“Rreth orës 13:30, në urgjencën e Spitalit të Himarës, është paraqitur për ndihmë mjekësore shtetasi J.A., 42 vjeç, banues në Himarë, pasi si pasojë e një konflikti të çastit, për motive të dobëta, është goditur me mjet prerës (sharrë), nga shtetasi Dh.G. Shtetasi J.A., aktualisht ndodhet në Spitalin e Himarës, jashtë rrezikut për jetën. Policia ka sekuestruar në cilësinë e provës materiale mjetin prerës (sharrë)”, thuhet në njoftimin paraprak të policisë për ngjarjen.
Gjithashtu ka shoqëruar në ambientet Policore shtetasin Dh.G., dhe po punon për sqarimin e plotë të rrethanave të ngjarjes, shtuan të njëjtat burime.
