Një pacient i cili po trajtohej në spitalin “Infektiv” në kryeqytetet, i kthyer prej kohësh në spital Covid, është hedhur nga kati i dytë i godinës.
Ai kishte disa ditë i shtruar në këtë spital, pas infektimit me koronavirus.
“Rreth orës 12:30, dyshohet se është vetëhedhur nga lartësia e një spitali shtetasi R.G., 69 vjeç, i cili ndodhet në spital, nën kujdesin e mjekëve. Grupi hetimor dhe sherbimet e Policisë ndodhen në vendngjarje dhe vijojnë punën për zbardhjen e rrethanave të ngjarjes“, njoftoi policia.
Kujtojmë se ky është rasti i katërt i pacientëve që vetëhidhen nga spitalet Covid. Tre raste të mëparshme kanë rezultuar fatale për jetën e pacientëve.
E ëma e një prej pacientëve që pati fatin tragjik, në një intevristë televizive disa ditë më parë, deklaroi se mungesa e trajtimit psikologjik kishte çuar në rastin e rëndë.
