Moti i keq ka përfshirë Greqinë gjatë natës, ndërsa në ishullin e Kretës ka pasur përmbytje.
Tetë persona, duke përfshirë 5 të rritur dhe tre fëmijë janë arritur të shpëtohen nga ekipet e emergjencës gjatë mëngjesit, pasi rrezikonin të mbyteshin, në pjesën verilindore të Heraklion, raportuan mediat greke.
Shërbimi Zjarrfikës arriti të shpëtonte qytetarët të cilët ishin bllokuar brenda automjeteve apo edhe në shtëpitë e tyre, të cilat u përmbytën nga uji.
Autoritetet u kanë bërë apel qytetarëve të qëndrojnë në pika të larta dhe të shmangin lëvizjet.
Rrëshqitjet e tokës kanë qenë po ashtu problematike.
