“Njerëzit e varrosur nga familja i shpall si të vdekur me Covid për të vjedhur paratë e varrimit nga bashkia”. Denoncimi bëhet nga ish-kryeministri Sali Berisha, i cili i referohet një mesazhi të ardhur në adresë të tij.
“SPAK është i partisë nuk ka punë me vjedhjet e narkozyrtarëve”, shton ish-kryeministri.
Berisha publikon në faqen e tij në FB, mesazhin e një qytetari që shprehet se gjyshja e tij humbi jetën nga ataku kardiak, ndërsa në certifikatën e vdekjen thuhet se ajo humbi jetën nga Covid dhe shpenzimet funerale u paguan nga bashkia. Por, shton denoncuesi, shpenzimet në të vërtetë u paguan nga familjarët.
Denoncimi
Në mesazhin e qytetarit, i cili bën publike dhe certifikatën e vdekjes, shkruhet:
“Dua të bëj një denoncim me vjedhjen, mashtrimin që bën lal plehu edhe me njerëzit e vdekur. Në datë 31 tetor me vdiq gjyshja nga ataku kardiak. Kontaktuam me agjencinë funerale dhe bëmë varrimin në varrezat e Tufinës. Paguam 900 mijë lekë të gjitha shërbimet funerale. Por çfarë ndodh? Certifikata e vdekjes vjen sikur ka vdekur nga Covid-19 dhe shpenzimet funerale i mbulon bashkia”.
