Real Madrid ditën e djeshme ka kryer testet rutinë për coronavirus. Përgjigjet kanë dalë ditën e sotme dhe është konfirmuar se Eden Hazard dhe Casemiro kanë rezultuar pozitiv me virusin e rrezikshëm.
Futbollistët tashmë janë izoluar dhe po ndjekin të gjithë protokollet mjekësore. Ka qenë vetë klubi që ka konfirmuar lajmin përmes një deklarate zyrtare.
Në deklaratë konfirmohet se të gjithë lojtarët e tjerë dhe stafi teknik kanë rezultuar negativ dhe do të vazhdojnë përgatitjet për sfidën ndaj Valencias. Përballja është parashikuar ditën e nesërme dhe trajneri Zidane do t’i duhet të bëjë pa dy nga titullarët e tij.
