Shkencëtarët kanë zbuluar mënyrën më të shpejtë për të identifikuar antitrupat monoklonalë, neutralizues të njeriut kundër SARS-CoV-2, virusi që shkakton COVID-19. Kjo metodë po administrohet në Kinë për të ndaluar virusin.
Roberto Cuada, profesori dhe drejtori i Njësisë Operative të Sëmundjeve Infektive të Fondacionit Poliklinik Gemelli Irccs, në Romë thotë se:
“Administrimi i antitrupave monoklonalë në Kinë i përgjigjet një logjike shkencore të parandalimit të domosdoshëm.”
Ai shprehet se, kjo është një strategji e shtrenjtë ekonomikisht, por që mbështetet në arsye të forta shkencore për parandalimin e Covid-19.
Antitrupat monoklonalë janë një klasë ilaçesh që kanë transformuar mënyrën e parandalimit dhe trajtimit të sëmundjeve, nga kanceri dhe sëmundjet e sistemit imunitar, te infeksionet virale të fëmijërisë. Ata nuk janë përbërje kimike, siç janë shumica e barnave. Bazohen tek antitrupa natyrorë, të cilët janë proteina që trupi i prodhon për t’u mbrojtur nga sëmundjet, por krijohen në laborator dhe prodhohen në masë, në fabrika.
Ata lidhen me synimin e tyre specifik, pa dëmtuar asgjë tjetër. Shënjestrojnë çdo gjë të keqe që hyn në trup, si për shembull një virus. Antitrupat mund të projektohen për t’u bashkuar me molekula të ndryshme në trup, për shembull, për të ulur reagimi imunituar kur është në nivel të lartë. Ky fenomen, i cili gjithashtu ndodh me disa pacientë me Covid-19, quhet stuhi citokine.
Për shkak të aplikimeve të tyre të shumta, antitrupat monoklonalë janë përdorur në mënyrë të sigurt dhe efektive për të trajtuar shumë sëmundje, disa prej të cilave ishin të vështira për t’u trajtuar. Tani po përdoren edhe për Covid-19 dhe Kina ka përkrahur këtë metodë për të ndaluar përhapjen e virusit.
