Arsenal ka fituar me rezultatin e thellë 4-1 ndaj Moldes, në ndeshjen e vlefshme për raundin e tretë të fazës së grupeve në Europa League.
Fillimisht ishin norvegjezët që kaluan në avantazh në minutën e 22-të, me anë të Martin Ellingsen. Molde do të shënonte edhe dy herë të tjera, por në portën e saj.
Autogolat e Kristoffer Haugen (45+1) dhe Sheriff Sinyan (62) i dhanë avantazhin “Topçinjëve të Londrës”. Dy golat e tjerë për skuadrën e Arsenal u realizuan nga Nicolas Pepe (69) dhe Joseph Willock (88).
Me këtë triumf ekipi i Mikel Artetas mban vendin e parë në Grupin B me pikë të plota pas tre ndeshjeve, ndërsa Molde mban vendin e dytë në kuotën e 6 pikëve.
