BoldNews.al ka siguruar fotot e dy personave që dyshohet se vendosën 2.6 ton kanabis në kamionin që u kap në Malin e Zi. Ata janë Arlind Tabaku dhe Përparim Shurdhi, të cilët përdorën një magazinë në Lushnje, për të ngarkuar drogën.
Sasia rekord u gjet në kamionin me targa shqiptare, i cili ishte nisur nga Greqia, i ngarkuar me fruta perime dhe me destinacion Gjermaninë.
Burime nga Policia e Shtetit thanë se kamioni i cili hyri në Shqipëri nga pika kufitare e Kapshticës, ka devijuar itinerarin në Elbasan, drejt Lushnjes, ku brenda një magazine është fshehur sasia e drogës brenda fruta perimeve.
Në Mal të Zi u arrestua shoferi i kamionit Elvis Çalik, ndërkohë që në Lushnje, Policia Shqiptare arrestoi Arlind Tabakun dhe Përparim Shurdhin.
Sasia prej 2.6 ton kanabis, u zbulua pasi autoritetet malazeze dyshuan se kamioni mund të ishte hapur gjatë rrugës në Shqipëri, ku edhe gjetën kanabisin e paketuar. Në kërkim për këtë sasi droge është shpallur edhe një person i tretë.
LEXO EDHE:
Kapja e 2.6 tonëve drogë në Malin e Zi, arrestohen dy persona në Shqipëri/ Emrat
