Kandidati demokrat për president, Joe Biden, tha sot se çdo votë do të numërohet në të 7 shtetet që janë ende pa një rezultat.
Biden foli i bindur se pasi të mbarojë numërimi i votave demokratët do të dalin fitues dhe ai do të sigurojë 270 votat elektorale.
“Miqtë e mi amerikanë, dje edhe një herë u provua se demokracia është rrahja e zemrës së këtij kombi. Unë nuk jam këtu për të deklaruar se kemi fituar, por për të raportuar se kur të përfundojë numërimi, ne do të jemi fituesi. Kjo nuk do të jetë fitorja ime, por e popullit.”- tha Biden.
