Në tregun e këmbimit valutor vendas, të mërkurën leku forcoi pozitat në raport me euron dhe humbi pikë ndaj monedhës së gjelbër amerikane krahasuar me një ditë më parë.
Sipas kursit zyrtar të Bankës së Shqipërisë, euroja këmbehet sot me 123.83 lekë ose 0.02 lekë më pak se ditën e martë. Ndërsa dollari amerikan u forcua me 0.06 lekë dhe këmbehet me 105.98 lekë.
Në pozita të forta me lekun, këmbehen sot edhe paundi britanik e franga zvicerane.
Monedha britanike këmbehet me 137.62 lekë ose 0.06 lekë më shumë se ditën e martë dhe franga zvicerane këmbehet me 116.09 lekë ose 0.42 lekë më shumë se një ditë më parë.
