Presidenti i ri i Kosovës, Hashim Thaçi, nëpëmjet një postimi në statusin e tij Facebook mbrëmjen e së martës shprehet: “Në “The Hague Institute for Global Justice” sot fola për ngritjen e Kosovës nga një shtet i shkatërruar nga represioni, spastrimi etnik dhe përpjekja për gjenocid, në një shoqëri gjithëpërfshirëse, që promovon dialogun dhe është shembull i punës për të mirën e qytetarëve të saj”.
“Paqja në rajon ka mundësuar që të kthehemi nga e ardhmja më e mirë për të gjithë. Si president i zgjedhur i Kosovës, tregova se angazhimi im do të përqendrohet në sundimin e së drejtës, bashkëpunimin rajonal, në ekonomi dhe marrëdhënie konstruktive me BE-në. Jemi në rrugë të duhur. HTH”, shkruan Thaçi.
