Wenger nuk dorëzohet: “Mrekullitë” ndodhin!

Trajneri Arsene Wenger mbrojti me pasion punën e bërë te Arsenal, në prag të ndeshjes së Champions League në Barcelonë. Wenger është në vitin e 20-të të punës me skuadrën londineze dhe i ftoi kritikët të shinin progresin e bërë nga ekipi që pas ardhjes së tij në vitin 1996. “Nuk kam asnjë dyshim në lidhje me motivimin tim të jashtëzakonshëm. Unë kam ndërtuar klubin dhe e bëra duket punuar fort. Nuk kam pasur asnjë mbështetje nga jashtë,” – tha Wenger. Arsene Wenger punon prej 20 vitesh si trajner i Arsenal Më pas, francezi vazhdoi: “Nëse krahasoni klubin si ishte kur erdha unë, me klubin e sotëm atëherë do të kuptoni punën që kam bërë, pa ndihmën e askujt. Tani, në vitin e 20-të të punës tim te Arsenal, jam edhe më i motivuar se në ditën e parë. E ndjej akoma më shumë presionin dhe përgjegjësinë që klubi të ecë përpara. Eshtë logjike që pas një kohe të gjatë në një ekip, të vihet në diskutim motivimi, por ky nuk është rasti unë. Po i jap Arsenalit më shumë sesa i kam dhënë ndonjëherë.” Ky është edicioni i 18-të radhazi në Champions League për Arsene Wenger Në lidhje me ndeshjen ndaj Barcelonës, Wenger tha: “Ne jemi në një pozicion të vështirë, por në futboll ndodhin mrekullitë dhe jam i bindur se futbollistët e mi do të japin një përgjigje. Jam i bindur se nëse luftojmë mund të kualifikohemi pavarësisht se shansi jonë është shumë i vogël. Nëse ia dalim në Barcelonë sezoni ynë do të kthehet menjëherë në pozitiv, si ishte në fillim të janarit. Unë besoj, ku i dihet?”