“Miqësia me njerëz të papërshtatshëm e futi atë në rrugë të gabuar”.
Kështu u shpreh avokati Nikolaus Rast për Kujtim Fejzullahun, 20-vjeçarin terrorist që u vra dje në Vjenë pas sulmit që i mori jetën 4 personave dhe plagosi të paktën 17 qytetarë.
“Ai vinte nga një familje perfekte, normale. Për mua ishte një adoleshent i pafat, që zuri miqësi me njerëzit e gabuar.
Nëse nuk do të shkonte në xhami por të merrej me boks, do të ishte bërë boksier. Nuk e kisha menduar kurrë se do të bëhej vrasës”, tha avokati Nikolaus Rast për transmetuesin publik ORF, i cili i doli në mbrojtje vitin e kaluar.
Në 2019-n, Kujtim Fejzullahu u kap në kufi teksa tentonte të udhëtonte drejt Sirisë. I riu u dënua me 22 muaj heqje lirie, por doli në dhjetor. Fejzullahu u ekzekutua dje në mbrëmje nga policia vendase, ndërkohë vijojnë kërkimet për të tjerë terroristë.
