Përditësuar/ Një shpërthim ka ndodhur mbrëmjen e sotme në Durrës. Policia e Durrësit njoftoi se nga shpërthimi nuk ka persona të lënduar apo dëme materiale.
Raportohet se lënda plasëse është vendosur në rrethimin e oborrit të banesës së Skënder Hoxhës, i cili është kushëriri i Nuredin Dumanit.
Ky i fundit, është shpallur në kërkim policor si ekzekutori i Bujar Çelës, krim të ndodhur në Brandashesh, më 17 Shtator dhe disa ngjarje të tjera kriminale. 37-vjeçari akuzohet edhe se ka bashkëpunuar me Talo Çelën, vëllain e Bujar Çelës, për një vrasje të dyfishtë të ndodhur në Durrës, më herët gjatë vitit.
“Rreth orës 21:30, në lagjen nr.14, në rrethimin e oborrit të shtëpisë së shtetasit S.H., 36 vjeç, ka shpërthyer një sasi e vogël dyshohet lëndë plasëse, nga e cila nuk ka as të lënduar dhe as dëme materiale. Menjëherë në vendngjarje kanë shkruar forcat e Policisë dhe grupi hetimor ku vijon puna për sqarimin e rrethanave të ngjarjes, identifikimin dhe kapjen e autorit”, njoftoi policia.
