Këngëtarja e njohur, Enca Haxhia, pësoi një aksident në të cilin theu këmbën 7 javë më parë. Si pasojë, ajo iu nënshtrua një operacioni mjaft të vështirë dhe më pas ka qëndruar për disa kohë në regjim total.
Përmes postimeve në rrjetet sociale, Enca ka zbuluar herë pas here se këmba e saj s’mund të lëvizte ndaj i është dashur të bëjë fizioterapi për t’u rikuperuar.
Ndërsa së fundmi, këngëtarja ka vendosur që t’u tregojë ndjekësve se në çfarë faze të shërimit është. Enca shprehet se kanë kaluar 7 javë nga operacioni dhe shenja në këmbën e saj është mëse e dukshme.
“Kam qëndruar në shtëpi për 49 ditë deri më tani për shkak të problemeve me këmbën (përveç ditëlindjes sime).E vetkarantinuar”, ka shkruar Enca.
Këngëtarja ka shpjeguar se në këmbën e saj ka futur shumë hekura dhe ju ka kërkuar fansave opinion nëse duhet të bëj tatuazh tek shenja e operacionit pasi të shërohet.
