Një 52-vjeçar është hedhur nga kati i 4-t i spitalit “Shefqet Ndroqi” në Tiranë. Njoftohet se shtetasi P.Gj., është vetëhedhur rreth orës 03 :10 dhe për pasojë ka humbur jetën.
Grupi hetimor dhe sherbimet e Policisë vijojnë punën për zbardhjen e rrethanave të ngjarjes.
Kjo është vetëvrasja e tretë që ndodh me pacientët e shtruar në spitalin Shefqet Ndroqi në Tiranë, atje ku trajtohen pacientët e infektuar nga Covid-19.
Vetëvrasja e parë ndodhi më 13 gusht, ku një 29-vjeçar nga Durrësi u hodh nga kati i tretë i spitalit. Pak javë më pas, ishte një 65-vjeçar, që u hodh po nga kati i tretë i spitalit.
Pas dy vetëvrasjeve u raportua se Prokuroria e Tiranës nisi hetimet lidhur me ngjarjet, por deri më sot kur ndodhi edhe vetëvrasja e 3-të, nuk pati ndonjë informacion mbi shkaqet që kanë detyruar pacientët të marrin aktin ekstrem.
Njoftimi
Tiranë/Informacion paraprak
Më datë 01.11.2020, rreth orës 03 :10, dyshohet se është vetëhedhur nga lartësia e një spitali shtetasi P.Gj., 52 vjeç dhe për pasojë ka humbur jetën.
Grupi hetimor dhe sherbimet e Policisë vijojnë punën për zbardhjen e rrethanave të ngjarjes.
