Qytetarë të ndryshëm, kanë publikuar pamje prekëse në mediat sociale, pas tërmetit që tronditi dje Turqinë dhe Greqinë.
Në një video të publikuar në Instagram, u shfaqën momente kur një nënë mundohet të mbulojë me trupin e saj fëmijën ndërsa banesa dridhet nga lëkundjet.
Pas disa sekondash, intensiteti i lëkundjeve ulet dhe ajo mundi që ta marrë fëmijën dhe të dalë jashtë.
Autoritetet turke kanë konfirmuar se të paktën 35 persona kanë vdekur në Izmir, ndërkaq, autoritetet greke kanë thënë se dy persona kanë vdekur në ishullin grek Samos. Mes viktimave, janë 3 persona të së njëjts familje, me origjinë nga Kosova.
Tërmeti, që ndodhi më 30 tetor në detin Egje, ishte 7,0 shkallë të Rihterit tha Shërbimi Gjeologjik i Shteteve të Bashkuara.
