Kryeministri, Edi Rama ka pasur një debat të fortë me analistët në Kosovë në emisionin e Baton Haxhiut “Zona e Debatit” në Klan Kosova.
Gazetarët e kanë sulmuar Ramën për atë që cilësohet si qëndrim në emër të Kosovën gjatë takimit me homologun e tij serb në Beograd, Aleksandër Vuçiç ku foli për autostradën që lidh dy vendet dhe që kalon për në Kosovë. Rama u është përgjigjur shpesh me batuta dhe ironi ngacmimeve të gazetarëve.
Këta të fundit ia kanë kthyer me të njëjtin monedhë, duke i përmendur “dështimet” në Shqipëri apo miratimin e ligjit të mbetjeve. “Kur unë shkova në Beograd për herë të parë, shkova si tradhtar, sepse nga të katër anët, edhe në Tiranë edhe në Prishtinë, askush nuk ishte dakord që unë të shkoja pas asaj që ndodhi me ndeshjen e futbollit, pastaj papritmas u ktheva si hero. Por, unë s’jam as tradhtar as hero, unë jam në një detyrë që e bëjë me pasion dhe me gjithë vetëdijen time. Pas vizitës së dytë, unë fola për Kosovën nuk fola në emër të Kosovës dhe nuk besoj se kam thënë diçka që nuk shkon”, është shprehur Rama.
Rama u shpreh se po diskutohet që Porti i Durrësit të bëhet direkt pika hyrëse për mallrat në Kosovë.
