Arian Agushi i njohur si Gold AG ishte i ftuari i radhës në “Ky emër nuk ka nevojë për prezantim” me Artan Telakun.
Jeta private e Gold AG është gjithmonë hermetike. Reperi nuk preferon të flas shumë për këtë temë, duke lënë fokusin vetëm tek projektet muzikore.
Ariani u martua sipas zakoneve të fesë islame me Ermira Shkodrën, por që dasma nuk u bë për shkak të pandemisë.
“Nuk dua askush të flasë për gruan time. E kam për vete atë. Po të shihet këngëtare. Më kanë thënë a ka mundësi edhe për intervistë. Nuk ka mundësi. Ajo nuk është fytyrë publike. Unë jam këngëtar por jam edhe shqiptar. Nuk dua të bëjë gjëra të pahijshme për llajka. Për grua shqiptari edhe të gjuan. Për gra njerëzit futen në bela. Unë gruan e dua fort ama nuk e kam për ta reklamuar në televizione. Ajo është privatësia ime që dua ta ruaj. Asgjë më shumë”, deklaroi reperi.
Meqenëse, kjo dasmë nuk u mbajt, çifti kanë menduar të mos e bëjnë as në të ardhmen.
“Me rëndësi është dashuria, e jo dasma”.
Ariani e Ermira janë në pritje të fëmijës së tyre të parë që do të vij në jetë pas pak ditësh. Ekskluzivisht për “Ky emër nuk ka nevojë për prezantim”, Gold AG zbulon gjininë. Çifti janë në pritje të një djali.
