Kryeministri i Greqisë Kyriakos Mitsotakis ka njoftuar masat e reja kundër pandemisë në vend, ku përfshihet mbyllja e restoranteve. Në një konferencë për shtyp, kreu i qeverisë ka bërë të ditur se masat do të hyjnë në fuqi të martën në mëngjes dhe do të jenë të vlefshme për një muaj, gjatë gjithë nëntori.
Kufizimet e reja përfshijnë, ndër të tjera, mbylljen e restoranteve në Atikë, si dhe në të gjitha zonat “portokalli”.
Masat e reja u konsideruan të nevojshme pas shpërthimit të rasteve të infektimeve, të cilat arritën dje në 1,690. Më herët autoritetet greke kanë shtrënguar masat në zonat ku numri i të infektuarve është më i lartë.
