Universiteti Bujqësor i Tiranës ka vendosur që të zhvillojë mësimin online për gjithë simestrin e parë.
Në vendimin e rektoratit të UBT-së, thuhet se “mësimi për 7 javët e para të semestrit të parë akademik 2020-2021 , në ciklin e parë dhe të dytë të stukimeve, si dhe DIND, do të zhvillohet online. Gjatë këtyre 7 javëve dot ë zhvillohen vetëm leksione online dhe sipas orareveqë do të bëhen publike në web-in e UBT për çdo fakultet”.
Ndërkohë, një ditë më parë, nga Minisria e Shëndetësisë u njoftua se universitetet do zhvillojnë mësim online për një muaj. Zëvendësministrja e Shëndetësisë Mira Rakacolli, deklaroi se “në mbledhjen e zhvilluar të Komitetit Teknik të Eksperteve, kemi vendosur unanimisht të propozojmë që universitetet të zhvillojnë vetëm mësim online, pra mësim vetëm në distancë, pa prezenceë fizike të paktën për muajin e parë të hapjes, duke vlerësuar situatën në dinamikë. Aulat dhe konviktet do të jenë të mbyllura deri në një vendim të dytë”.
Një protestë ndërkohë, është lajmëruar nga studentë të Hënën, lidhur me vendimin për mos zhvillimin e mësimit në auditore.
