Ditën e djeshme në Itali janë konfirmuar 26,831 raste pozitive me koronavirus dhe 217 viktima. Në total, që prej fillimit të pandemisë, janë konfirmuar 616,595 raste dhe 38,122 viktima. Rajoni më i prekur është Lombardia.
Numri i pacientëve në kujdesin intensiv është rritur, duke e bërë situatën tejet serioze. Vlera e indeksit të transmetueshmërisë, tregon se Italia po shkon drejt skenarit të katërt, i fundit dhe më seriozi i parashikuar në dokumentin ‘Parandalimi dhe reagimi ndaj COVID-19 ‘hartuar nga Instituti i Lartë i Shëndetit.
Vlera e Rt, që bazohet në numrat e rasteve të reja dhe shtrimet në spital, e ka kaluar 1.5. Kjo është një nga elementët që parashikon skenarin më serioz të epidemisë, informon dritare.net.
Aktualisht, në bazë të 4 skenarëve të përshkruara në dokumentin e ISS, Italia është në skenarin 3.
Analiza e trendit të kurbës së epidemisë tregon se Italia tani është shumë afër skenarit 4. Brenda një muaji, rritja e rasteve pozitive, mund të çojë në një mbingarkesë të spitaleve. Por kjo mund të përmbyset nëse epidemia përhapet kryesisht në grupmoshën e re, siç është vërejtur në periudhën korrik-gusht 2020, informon dritare.net.
Nëse situata vijon edhe për tre javë në këto nivele, skenari i katërt parashikon masa shumë agresive, që mund të çojë deri në mbylljen e plotë të Italisë.
