Këngëtarja e njohur shqiptare me famë botërore, Era Istrefi, së fundmi ka rënë pre e një mashtrimi.
Gazeta “Reportori” ka mësuar se një 45-vjeçar është shtirur para këngëtares si polic, teksa nuk punonte si i tillë. Sipas gazetës ngjarja ka ndodhur para 6 ditësh, rreth orës 21:00.
Personi që është shtirur si polic e ka ndaluar këngëtaren në rrugë duke e përcjellur atë deri në lagjen “Marigona Residence”. Ai më pas është larguar duke mos lënë asnjë gjurmë, por kjo nuk ka zgjatur shumë sepse ditën e djeshme policia ka arritur ta arrestojë atë.
Mësohet se personi i arrestuar, që ka mashtruar Erën, quhet Bujar Shala.
Këngëtarja nuk ka reaguar ende lidhur me këtë çështje.
