Kreu i opozitës Lulzim Basha në një bashkëbisedim me gazetarët deklaroi se qeveria po mashtron me shifrat e Covid, dhe po i mban të fshehura vdekjet dhe infektimet.
Basha theksoi se e gjitha kjo bëhet për të mbuluar dështimin e Ramës me pandeminë.
‘Dua të dënoj maskkaradën që po ndodh në parlament, ku Ministrja e Shëndetësisë kërkon të mbulojë me shoshë dështimin e Ramës me pandeminë. Mungesa e kapaciteteve testuese, të infektuarit duhet të presin deri në 6 ditë për të bërë testin. Kështu, numri i të infektuarve mbahet artificialisht i ulët dhe përmasa e sëmundjes mbahet e fshehtë. Kur u thuhet e vërteta, fshihen pas sakrificës së mjekëve për të mos u përballur me të vërtetën’, tha Basha.
