Kim Kardashian dhe reperi Kanye West janë ende të martuar, por me sa duket divorci është i pashmangshëm edhe pse Kim thotë se e do shumë reperin.
Së fundmi Kanye, përmes një statusi “shpërthyes” në Twitter, kërcënoi se do të dilte me disa sekrete që familja Kardashian po i fsheh nëse vazhdojnë të përpiqen ta shtrojnë në psikiatri. Ky status u fshi pak më vonë nga Kanye.
Reperi amerikan është i shqetësuar se gruaja e tij po përpiqet ta shtrojë në spital pa lejen e tij dhe ka paralajmëruar se do të tregojë të gjitha informacionet private në lidhje me familjen e saj të famshme, raporton Mirror.
Një burim për Mirror tha se Kanye ndihet paranojak dhe është i bindur që Kim dhe nëna e saj Kris Jenner janë kundër tij. Nga ana tjetër, Kim është shumë e shqetësuar për këto kërcënime, por shqetësimi i saj më i madh është ende të ndihmojë burrin e saj, pasi ai me të vërtetë ka nevojë për të, pohon burimi.
Kanye iku nga shtëpia kur shkroi statusin në fjalë dhe shkoi në fermën e tij në Wyoming, dhe kjo nuk është hera e parë që e bën këtë. Pak kohë më parë, Kim donte të shkonte në fermën e tij me dy mjekë për ta shtruar me forcë për 72 orë, të paktën kështu pretendon Kanye.
Miku i Kanye Damon Dash, tha se këngëtari i njohur nuk mund të quhet i çmendur vetëm pasi ai qau në publik.
“Nëse hidheni në një aeroplan privat dhe vini në fermën tuaj prej 40,000 hektarësh, kjo do të thotë të çmendesh, dhe unë do të doja të çmendesha ashtu”, tha Dash për Page Six.
Kim nuk është aq e bindur që Kanye është mirë mendërisht dhe ende këmbëngul se bashkëshorti i saj ka çrregullim bipolar dhe ka nevojë për ndihmë, për të cilën ajo ka shkruar hapur në rrjetet e saj sociale.
“Ata që kuptojnë sëmundjen mendore ose sjelljen e detyruar, e dinë se familja është e pafuqishme nëse anëtari nuk është i mitur. Njerëzit të cilët nuk kanë përvoja të tilla, nuk mund ta kuptojnë që një individ duhet të përfshihet në procesin e kërkimit të ndihmës pa marrë parasysh sa vështirë përpiqen familja dhe miqtë”, tha Kim.
Ajo gjithashtu e përshkroi burrin e saj si një person person të shkëlqyeshëm, por të ndërlikuar dhe kjo prej bipolaritetit.
