Në muajin dhjetor qeveria do të nisë faljen e kamatëvonesave të dritave për 35 mijë pensionistë kryefamiljarë, persona me ndihmë ekonomike dhe me status të veçantë të invaliditetit që kanë lidhur aktmarrëveshje lehtësuese me OSHEE -në.
Kusht për përfitimin e faljes së kamatëvonesës është pagesa e rregullt e kësteve për debinë e energjisë së krijuar para nëntorit të 2015. Për të gjithë këta kategori që respektojnë aktmarrëveshjen e lidhur me OSHEE¬në, në dhjetor të 2016 do t’u falen kamatëvonesat e dritave kundrejt pagesës simbolike prej 100 lekësh.
Lajmi u dha nga ministri i Energjetikës, Damian Gjiknuri, i cili i shoqëruar nga administratori i Operatorit të Shpërndarjes, Adrian Çela, ishin dje në një prej qendrave të Kujdesit ndaj Klientit në Tiranë, ku bashkëbiseduan me familjarë përfitues nga skemat lehtësuese të shlyerjes së borxheve të prapambetura të energjisë.
“Ju garantoj se në fund të vitit do të keni lajme shumë të mira në këtë drejtim. Të gjithë qytetarët e rregullt që iu bashkuan kësaj reforme kontribuuan e ne ju kemi një borxh. Do t’jua kthejmë këtë borxh duke ju bërë lehtësira të tjera financiare. Pse? Kush është i rregullt shteti e shikon. Kontribuon në shtet dhe do të marrësh diçka mbrapsht”, tha Gjiknuri. Në total, vlera e kamatëvonesave të falura do të jetë 9 miliardë lekë.
Reduktimi i kamatës do të jetë kundrejt një vlere simbolike. Çela sqaroi se përfitues do të jenë abonentët për kategorinë e familjeve me ndihmë ekonomike, invaliditetit dhe pensionistët kryefamiljarë, të cilët kanë qenë të rregullt me pagesën e energjisë elektrike e të kamatëvonesave në aktmarrëveshje, të ketë një reduktime dhe të mëtejshme. “Ndoshta edhe një pagesë simbolike dhe zerim të kamatëvonesës. Këshilli Mbikëqyrës dhe Asambleja janë duke i parë, duke bërë llogaritë përkatëse dhe brenda dhjetorit do të dilet me një propozim të ri, që besoj do të jetë një ndihmë për familjet tuaja”, theksoi Çela.
KAMATAT E FALURA
Sipas të dhënave të OSHEE¬së, për periudhën 2014¬2016 rezulton të jenë nënshkruar në total 424,405 aktmarrëveshje mes abonentëve familjarë dhe Operatorit të Shpërndarjes së Energjisë Elektrike. Rreth 65 mijë prej tyre janë lidhur prej abonentëve me ndihmë ekonomike, pensionistë kryefamiljarë dhe me status të veçantë. Deri më tani, nga të gjitha aktmarrëveshjet për familjarë kanë përfituar reduktim kamatash 225,312 abonentë në vlerën totale prej 4,6 miliardë lekësh. “Janë 424 mijë konsumatorë familjarë, të cilët i janë përgjigjur pozitivisht të gjithë këtij aksioni në dy vjet. Po diskutojmë tanimë dhe shqyrtojmë mundësinë që në fund të vitit, të mund të ndihmojmë edhe më tej familjet në nevojë. Pra të fillohet të eliminohet edhe një pjesë e borxheve të vjetra për qytetarët. Kuptohet për ata nj
