Nëse po planifikoni një udhëtim në Itali, këtu keni disa gjëra që duhet të dini para se të shkoni atje, në periudhë pandemie.
Informacionet bazike!
Italia e shtyu gjendjen e jashtëzakonshme deri më janar 2021, për shkak të pandemisë. Pasi u godit rëndë në fazat e hershme të pandemisë, Italia ishte një nga të parat që u hap përsëri për vizitorët, në qershor. Megjithatë, hyrja është kryesisht e kufizuar për banorët e Bashkimit Evropian.
Italia është një nga shtetet më të bukura të Evropës. Njihet për qytetet e saj historike si Firence, mrekullitë e Venecias dhe selinë e kishës katolike në Romë. Ushqimi është dashuri më vete, ka verë fantastike, fshatra të paprishura dhe një varg vendpushimesh plazhi që kërkohen nga të gjithë.
Kush mund të shkojë?
Deri më 13 nëntor udhëtimet janë të pakufizuara për banorët e BE-së, përveç atyre që vijnë nga Rumania. Turistët nga Belgjika, Franca, Holanda, Republika Çeke, Spanja dhe Britania e Madhe duhet të kenë tamponë negativë kur të shkojnë në Itali. Udhëtimet lejohen edhe nga 10 vende joanëtare të BE-së: Australia, Kanadaja, Gjeorgjia, Japonia, Zelanda e Re, Ruanda, Koreja e Jugut, Tailanda, Tunizia dhe Uruguai. Megjithatë, vizitorët duhet të vetëizolohen për 14 ditë pas mbërritjes.
Cilat janë kufizimet?
Turistët nga 10 vendet që s’janë pjesë e BE-së, nuk duhet të përdorin transport publik për të shkuar në destinacionet e tyre dhe duhet të vetëizolohen për 14 ditë, informon dritare.net
Si është situata me Covid-19?
Italia është një nga vendet më të goditura nga vala e parë e pandemisë. Por masat e rrepta e vunë disi nën kontroll situatën. Në shtator dhe tetor shifrat filluan të rriten. Nga vala e parë e pësoi keq, ama për të dytën Italia deri tani është një nga vendet më pak të prekura në Evropë. Infektimet janë rritur në Lombardi, Lazio dhe Kampanja, ku ndodhen përkatësisht Milano, Roma dhe Napoli. Zonat malore veriore aktualisht preken më pak. Përmes aplikacionit Immuni, Bluetooth ndjek kontaktet e mundshme me infeksionin.
Çfarë i pret vizitorët?
Gjendja e jashtëzakonshme e Italisë ua ka deleguar pushtetin rajoneve, kështu që varet se ku jeni. Por në të gjithë vendin, maskat duhet të mbahet në çdo kohë, në publik, madje edhe jashtë.
Baret dhe restorantet, pa shërbim tryeze duhet të mbyllen në orën 18:00, ato me shërbim tryeze duhet të mbyllen në mesnatë. Vetëm 6 veta lejohen të grupohen në restorante. Festivalet lokale janë ndaluar, por teatrot dhe kinematë janë hapur, me një numër të kufizuar.
Lombardia, e cila u godit më keq nga vala e parë e virusit dhe po sheh përsëri rritje të shifrave, ka vendosur shtetrrethimin nga ora 23:00, deri në 5 të mëngjesit dhe po mbyll qendrat tregtare, dyqanet e mëdha gjatë fundjavave. Lazio gjithashtu është në shtetrrethim, duke filluar nga mesnata. Në rajonin jugor të Kampanjës, ora e ndalimit nis më 23:00 deri në 5 të mëngjesit dhe banorët nuk duhet të largohen nga provinca e tyre. Kjo do të thotë se tri qytetet më të mëdha të Italisë, Roma, Milano dhe Napoli janë nën shtetrrethim.
