Gjykata ka lënë në burg përgjegjësin e turnit në kompaninë që selektonte mbetjet në landfillin e Sharrës, i arrestuar për vrasjen e 17-vjeçarit Ardit Gjoklaj më 7 gusht të këtij viti.
Dëfrim Hakrama ndodhet në burg bashkë me shoferin e ekskavatorit Edmond Kallari, ndërsa Gjykata e Apelit liroi më 25 gusht Besnik Brahjan, përgjegjësin e punëtorëve të kompanisë.
Hakrama apeloi masën e sigurisë duke kërkuar një zbutje të saj, por Gjykata e ka hedhur poshtë duke lënë në fuqi masën e arrestit me burg.
Trupi i 17-vjeçarit që punonte me seleksionimin e plehrave u gjet i copëtuar nga ekskavatori, por pavarësisht kësaj, punonjësit e firmës së zgjedhur nga Veliaj mohuan se ai ishte punonjës në landfill.
