Gjykata për Krimet e Rënda ka lënë dje në burg Kasëm Lilën, 57–vjeçarin i cili mbrëmjen e së shtunës vrau bashkëshorten e tij dhe plagosi kunatën, në fshatin Çoçaj të Ndroqit.
57–vjeçari pretendoi në gjyq se nuk e dinte që bashkëshortja e tij kishte ndërruar jetë.
“Zoti gjykatës, ju lutem më shpjegoni pak, kë kam vrarë gruan apo dikë tjetër pasi nuk mbaj mend asgjë çka ndodhur dhe isha i tronditur”, ka thënë dje Lila para trupit gjykues.
Pasi gjykatësi i shpjegoi vrasjen e bashkëshortes dhe plagosjen e kunatës, i pandehuri u ul në karrige dhe duke qarë është shprehur i penduar.
Në përfundim të seancës, gjykata caktoi për Lilën masën e sigurisë arrest me burg deri në përfundim të hetimeve, ndërsa ai rrezikon të dënimin maksimal burg përjetë për vrasjen e bashkëshortes dhe armëmbajtjen pa leje. Lila u prangos 2 ditë më parë nga policia e Tiranës pasi me një armë gjahu ai vrau gruan e tij Afize Lila dhe plagosi kunatën e cila është jashtë rrezikut për jetën. Krimi ndodhi mbrëmjen e së shtunës, pas një konflikti të çastit mes dy vëllezërve.
