Ka ndërruar jetë një prej vullnetarëve që iu nënshtrua vaksinës kundër COVID-19 që po zhvillohet nga gjigandi farmaceutik AstraZeneca, bashkë me Universitetin e Oksfordit.
Lajmi u bë i ditur nga Universiteti Federal i Sao Paulo në Brazil, ndërkohë që vullnetari kishte kombësi braziliane.
Prova klinike e fazës 3 të vaksinës u la në pritje në fillim të shtatorit pasi një pjesëmarrës në studim në Mbretërinë e Bashkuar pësoi një dëmtim të palcës kurrizore. Testet kanë rinisur së fundmi në Britani dhe Brazil, megjithëse ato qëndrojnë ende në pritje në ShBA.
