Akuzohet se dekonspiroi operacionin e policisë, merret i pandehur efektivi në Elbasan
Prokuroria ka marrë nën hetim një efektiv policie në Elbasan. Raportohet se bëhet fjalë për Eduart Hasanin, i cili dyshohet se ka dekonspiruar një operacion të policisë ndaj një grupi kriminal.
Në 1 korrik 2019, policia kreu një operacion në fshatin Papër të Elbasanit duke kapur sasi armësh.
Pas operacionit, policia konstatoi se ishin dekonspiruar hetimet, duke filluar një hetim të brendshëm. Nga të dhënat, rezultoi se operacioni ishte dekonspiruar nga Hasani duke bërë që të pezullohej nga pune. Me një vendim të Apelit, Hasani u rikthye në punë, por tani duhet që të japë llogari para prokurorisë për ngjarjen në fjalë.
