Seanca e planifikuar të zhvillohej këtë të Hënë në Apelin e Korçës për Zani Caushin, është shtyrë.
Shkak u bë mungesa e drejtorit të Burgut të Drenovës. Seanca e radhës do të zhvillohet më 29 tetor në orën 10:00.
Zani Çaushi, i njohur si ish-drejtuesi i bandës së Vlorës dhe i dënuar me burgim të përjetshëm nga Gjykata e Lartë, kërkon lirimin e e tij me kusht. Kërkesa e dytë e Zani Çaushit është bërë në 29 shtator 2020, në Gjykatën e Apelit të Korçës, pasi i është refuzuar i njëjti pretendim disa muaj më parë, konkretisht në Korrik të këtij viti.
Zani Çaushi pretendon se ka vuajtur më shumë se 31 vite në burg, dhe thotë se juristët e burgut i kanë ngatërruar vitet e qëndrimit në qeli Pas kërkesës për liri me kusht, Çaushi kërkon përllogaritjen e viteve të burgut, që sipas tij, i është bërë në mënyrë të padrejtë.
